Општина Пехчево во проектни активности за изградба и реконструкција на нови детски игралишта, започна со изградба на ново игралиште за деца, кое ќе биде лоцирано до новиот градски плоштад во Пехчево.
На местото кое со години беше запустено, денес ЈКП ,, Комуналец “ со расчистување и порамнување на теренот, започна изградбата на ново детско игралиште со целосно партерно уредување на просторот до градскиот плоштад.
Изведувач на работите е фирмата Гео-инг од Скопје, додека инвеститор е Општина Пехчево, средствата се обезбедени од Буџетот на Општината. Проектот се реализира на иницијатива на граѓаните, преку активно учество и донесување на одлуки на јавно ниво.
На тој начин, се обезбедува не само содржина за возрасните, туку и за помалите, кои заеднички со своите родители можат да уживаат на убавиот плоштад, но и во детското игралиште.
