Безбедноста на граѓаните и учесниците во сообраќајот е едно од приоритетите на градоначалникот Поповски и општина Пехчево. Токму поради зголемување на безбедноста во сообраќајот, денес во општина Пехчево започнаа активностите за поставување на нови сообраќајни знаци во градот.
Екипа од локалната самоуправа во координација со стручни лица од Секторот за урбанизам и комунални работи при општина Пехчево поставуваат сообраќајни знаци на места каде имало, а од разни причини биле отстранети, а исто така се поставуваат и на нови локации на кои по извршениот увид е утврдено дека треба да има заради зголемување на безбедноста.
Ќе бидат поставени околу 40 сообраќајни знаци се со цел подобрување на визуелизацијата при возење и безбедност во сообраќајот, како и знаци за информирање при влез и излез во населено место. Со тоа Општина Пехчево покажува дека се грижи за безбедноста во сообраќајот на патиштата и на населението од општината. Сообраќајната сигнализација ќе овозможи дополнително подобрување на безбедноста во сообраќајот како за пешаците така и возачите на моторни возила.
