По повод денот на пролетта, 21 март со почеток во 12:00 часот на плоштадот во Пехчево ќе се одржи работилница на тема „Природата е најубава во пролет“. Работилницата е во склоп на проектот „Промовирање на интегриран пристап за одржливо управување со карактеристичните природни ресурси во Пехчево “ чиј имплементатор е Здружението за одржлив развој Милиеуконтакт – Македонија, а истиот е дел од Програмата за зачувување на природата во Македонија. Целта на работилницата е преку цртеж, ракотворба или литературно дело најмладите да ги претстават убавините на природата.
За таа цел, ги поканува сите заинтересирани ученици од прво до петто одделение да присуствуваат на работилницата и да го дадат својот придонес за природата.
Поради заедничкото поле на интерес за работа, работилницата ќе биде поддржана и од Мрежата за рурален развој на Македонија.
