Градоначалникот на општина Пехчево, Игор Поповски и Претседателот на Советот на Општина Пехчево, Стојче Стефановски, заедно со претставници од локалната самоуправа и директорите на општинските јавни установи и претпријатија на ден 12.10.2015 година во 18 часот во салата при Домот на културата ,, Јане Сансански ‘’ ќе оствари средба со жителите на Пехчево на тема ,, Граѓаните прашуваат – градоначалникот одговара “.
Граѓаните ќе имаат можност непосредно да се запознаат со проектите кои општината во иднина планира да ги реализира во градот Пехчево, но и да ги слушне градоначалникот проблемите и потребите од граѓаните, со цел подобрување на животниот стандард на граѓаните, развој на економијата и создавање поволна бизнис клима, решавање на комунални и инфраструктурни проблеми, поквалитетно образование, социјална заштита и здравство, со средства предвидени за 2015 – 2016 година.
Оваа средба е во организација на Здружението на пензионери од Општина Пехчево.
