Во пресрет на новогодишните празници, во домот на културата „Јане Сандански“ во Пехчево, се одржа новогодишен концерт, со богата културно-уметничка програма. Концертот го организираа професорите Никола Зафировски и Драган Колевски, со поддршка од општина Пехчево и Домот на културата „Јане Сандански“ – Пехчево и е дел од новогодишната културна понуда во градот.
На концертот учество зедоа на 30 поранешни, сегашни и идни ученици, наставници, музички соработници групирани во мал, голем хор, оркестари и др.
Професорите Никола Зафировски и Драган Колевски го приредија најубавиот предновогодишен културен настан во Пехчево, кој ја преполни салата во Домот на културата во Пехчево, и вистинско задоволство беше да се присуствува на овој настан.
Сите композиции наидоа на одличен прием кај публиката, која ги наградуваше учесниците со долги аплаузи.
