Компанијата Еко Пак Хит продолжува со инвестиции низ Брегалничкиот регион насочени кон подобрување на комуналната сфера. Денес на пригодна свеченост во Пехчево компанијата Еко Пак Хит од Кочани на општината и донираше 6 специјални контињери за комуналед отпад, кои со својата функционалност ќе придонесат кон подобра хигиена на градот и урбаниот изглед низ улиците.
Донацијата во Пехчево ја прими градоначалникот Игор Поповски, кој се заблагодари за подршката од Еко Пак Хит од Кочани во справувањето со отпадот и изрази уверение дека со ваква партнерска соработка Пехчево набрзо ќе биде град кој одржливо и ефикасно ќе се справува со отпадот. Поповски истакна и дека граѓаните на Пехчево имаат развиено висока свест за екологијата и дека селектирањето на отпадот треба да стане навика на сите граѓани на општината.
Директорката на Еко Пак Хит од Кочани Билјана Митева најави дека ваква соработка имаат воспоставено со општините на Малешевско-пијанечкиот регион , но наскоро договори ќе бидат потпишани и со другите општини од Брегалничкиот регион.
Инаку, донираните контињери ќе бидат распоредени на повеќе локации, главно пред позначајните институции во општината.
