Министерството за транспорт и врски ја заврши постапката за избoр на фирма изведувач на градежните работи за реализација на проектот
„Реконструкција на ул. „ИЛИНДЕНСКА“ со крак „ДАМЕ ГРУЕВ“ и „МИРЧЕ АЦЕВ“ во Пехчево. Фирмата која ќе ги извршува градежните работи за реализација на горенаведениот проект е „СТЕНТОН ГРАДБА ДОО БИТОЛА“. Воедно Ве известуваме дека во тек е тендерската постапка распишана од страна на Минитерството за животна средина и просторно планирање, за избор на фирма која ќе ги реализира градежните работи за изведба на атмосферска канализација на ул. „Илинденска“ со крак „Даме Груев“ и „Мирче Ацев“. По изборот на фирма за изведување на атмосферска канализација на горенаведените улици ќе се започне со комплетна реконструкција на улиците.
Општина Пехчево секогаш тука за граѓаните, нивните потреби и барања!
