Патеката на Петко ќе ги учи децата за биолошката разновидност на Пехчево. Станува збор за патека долга 4 километри, која е поврзува две важни места во општината :
„Со информативни и едукативни табли и уредување на целата патека, го поврзува едукативен центар во село Негрево со местото викано Јудови ливади“ , вели Елица Јовевска, општина Пехчево.
Целта на патеката е знаењето стекнато во училница да се надополнува со практично знаење во природа. Првите 30 ученици, го поминаа првиот час на отворено :
„Ги погледнаа сите едукативни табли и научија нешто повеќе за она што го има во нашата природа, за животните и за растенијата“ , изјави Елица Јовевска, општина Пехчево.
Едукативната патека е дел од проект кој го спроведува Здружението ОХО и е дел од Програмата за зачувување на природата во Македонија.
Сите активности финансиски се поддржани од Швајцарската агенција за развој и соработка.
