Градоначалникот на општина Пехчево Драган Тренчовски денеска го посети Дневниот центар за лица со посебни потреби во Берово.
Тренчовски на децата им подари пакетчиња по повод Новогодишните и Божиќните празници, се со цел да се подари насмевка и радост на овие лица.
– Продолжуваме со традиционалната активност за делење новогодишни пакетчиња за најчувствителниот дел од населението, во случајов на лицата со посебни потреби и лица без родители. Преку овие скромни подароци (пакетчиња) Општина Пехчево сака да биде дел од радоста на овие деца.
Мојата желба за новата 2020 година е господ да им дава многу здравје, медицината да напредне и да открие лекови за тие деца, истакна градоначалникот Тренчовски.
Вработените изразија голема благодарност до градоначалникот и локалната самоуправа поради тоа што веќе повеќе години наназад и оваа година ги израдува и посети децата.
Корисниците на дневниот центар на градоначалникот му подарија рачно изработена елка да го краси неговиот кабинет за новогодишните празници.
