Почитувани граѓани на Општина Пехчево,
Драги пријатели,
Ценети соработници,
Новата година отсекогаш ги буди најискрените чувства и очекувања кај секој од нас.
Затоа сите ние со нетрпение очекуваме старото што побргу да помине, за новото да дојде и со себе да донесе нова надеж. Надеж дека во годината што доаѓа ќе имаме здравје, ќе шириме љубов и милост, ќе живееме во радост и во среќа. Надеж дека таа радост ќе можеме да ја споделиме со нашите блиски.
Затоа, да им посветиме љубов и внимание на нашите семејства, на нашите деца, на нашите соседи и пријатели.
Да бидеме солидарни кон болните, немоќните и кон секој што има потреба од наша поддршка и помош.
Драги сограѓани,
Имаме одговорност пред граѓаните на општина Пехчево, дека во новата 2020 година Пехчево ќе биде посилно и поуспешно, отколку во претходните години. Затоа, сплотени, со чувство за одговорност да продолжиме да го градиме Пехчево според највисоките европски вредности, стандарди, критериуми. Ве уверувам дека како и досега ќе продолжиме со посветена и чесна работа.
Драги пријатели,
Да си простуваме и да се почитуваме.
Да бидеме и упорни и трпеливи.
И, во сè што правиме, да се престигнуваме во добрина.
Празниците што ни доаѓаат во секој наш дом нека донесат семејна радост, љубов и среќа. Да имаме мир, напредок и успех насекаде и за секого.
Ви посакувам среќна и бериќетна Нова 2020-та година!
