Јавен повик за поубаво Пехчево
Почитувани сограѓани, по повод 5 –ти Јуни Светскиот ден за заштита на животната средина, Советот на Општина Пехчево организира акција за засадување на цвеќиња во градот и разубавување на Пехчево.
Ве повикуваме да излезете и Вие да бидете дел од акцијата за поубаво Пехчево, заеднички да покажеме колку ни значи и колку се грижиме за нашето родно гратче. Акцијата ќе се спроведе на ден 04.06.2022 година ( сабота ) во 8:30 часот, збирно место пред Маркет КИТ – ГО. Во акцијата ќе се приклучат и Општина Пехчево, сите општински институции и јавни претпријатија.
Со оваа aкација ќе придонесеме за подигнување на јавната свест кај сите нас за позитивно да влијаеме кон зачувување и заштита на животната средина. Сите заинтересирани граѓани кои ќе присуствувате на акцијата понесете со себе соодветен алат за работа (копач, гребула, лопата и сл.).
Со почит,