Денес, во просториите при ООУ. „ Ванчо Китанов “ – Пехчево, во организација на Пратеничката канцеларија при Собранието на Република Македонија во 17 часот, директорот на агенцијата, Влатко Поповски, оствари средба со граѓаните од Пехчево. Директорот на Агенцијата за вработување на Република Македонија (АВРМ) ги презентираа планот и мерките за олеснување и субвенционирање на вработувањето наменети за невработените лица и работодавците.
Во работната посета на Поповски, тој разговараше на различни теми и одговараше на прашањата на присутните.
На средбата, присутните имаа можност од прва рака да бидат запознаени со се она што ги интересира околу вработувањата.
Поповски им укажа на поволностите од „Оперативниот план за активните мерки и програми за вработување“ што се дел од стратегијата за вработување на Владата на Република Македонија, која преку агенцијата ги спроведува заради подобрување на животниот стандард на граѓаните.. Истовремено, одговараше и на повеќе прашања поврзани со правата и обврските на работодавачите и невработените лица.
Директорот нагласи дека Владата на Р.Македонија овој континуитет на намалување на стапката на невработеност ќе се залага да продолжи и во иднина зашто имаме обврска кон идните генерации кои треба да имаат поповолни услови за подобар живот и солиден социјално урамнотежен економски развој.
На средбата, на која присуствуваше и г-дин Владимир Христов, раководител на сектор во Агенцијата за финансиска подршка на земјоделието и руралниот развој, присутните имаа можност да бидат запознаени со се она што ги интересира околу надлежностите на оваа агенција.
