Започна реконструкцијата на Задружниот Дом во село Црник. Со доброволно работно ангажирање на месното население и со финансиска подршка од Буџетот на Општина Пехчево започна реконструкцијата на Задружниот дом во село Црник. Конкретно се работи за реновирање на внатрешноста на салата, проширување на уште две простории, влезна врата и кровна конструкција.
-Деновиве работиме на реконструкција и реновирање на Задружниот дом во село Црник. Се работи за реновирање на салата односно темелно реновирање на внатрешноста, реновирање, адаптација и проширување на уште две простории, нова влезна врата и реновирање на кровната конструкција, вели градоначалникот Поповски.
Целта на овој проект е подобрување на условите за живот во село Црник и подобар амбиент за прием на жителите од ова село.
За реализација на овој проект од Буџетот на општината се издвоени околу 400 000 денари, средства издвоени за уредување на просторот на градежното земјиште во руралните подрачја на општина Пехчево.
