Почитувани граѓани на општина Пехчево,
Со цел подобра информираност на граѓаните и можност за доближување и олеснување на пристапот до услугите на Агенцијата за вработување на Република Македонија и Агенцијата за финансиска подршка на заемјоделието и руралниот развој, утре 26.12.2014г. (Петок), ќе се одржи трибина на која учество ќе земат Директорот на Агенцијата за вработување на Република Македонија, г-дин Владо Поповски и г-дин Владимир Христов, раководител на сектор во Агенцијата за финансиска подршка на земјоделието и руралниот развој.
Директорот Поповски и раководителот Христов ќе се сретнат со граѓаните и ќе одговорат на различни прашања од присутните.
Целта на трибината ќе биде да се презентираат новите мерки на Владата на Р.Македонија, која преку овие Агенции ги спроведува заради подобрување на животниот стандард на граѓаните.
Трибината ќе се одржи со почеток во 17 часот во салата при ООУ. ,, Ванчо Китанов “ – Пехчево.
Градоначалникот на општина Пехчево, Игор Поповски и пратеникот во Собранието на Република Македонија, г-ѓа Сузана Секуловска ги покануваат граѓаните на општината да присуствуваат на трибината и да се запознаат одблиску со новите мерки на овие две агенции.
