Општина Пехчево ќе биде дел од акцијата на Министерството за животна средина „ Македонија земја на цвеќето- земја на розите“ што ќе се одржи на 21- ви март, (петок).
Проектот има цел на национално ниво да ги претвори урбаните средини во вистински цветни градини кои го прочистуваат загадениот воздух и создаваат визуелно-естетски рај за сетилата.
Локалната самоуправа во соработка со ООУ ,, Ванчо Китанов ’’ на денот на пролетта 21 март 2014 година ( петок ), ќе организираат изложбена продажба на рачно изработени предмети , а од собраните средства ќе се набават садници од рози и истите ќе се засадат во училишниот двор.
Со купување на предмет изработен од детските раце на учениците, ја подржувате акцијата ,, Македонија земја на цвеќето- земја на розите“, чија цел е Македонија да стане земја на розите и ќе помогнете учениците да купат садници на рози и да ги засадат во училишниот двор.
Со огромна чест и задоволство Ве покануваме да се вклучите во нациналната еколошка акција ,, Македонија земја на цвеќето, Македонија земја на розите ’’, која ќе се одржи на 21 март 2014 година ( петок ) во центарот на Пехчево со почеток од 11:30 до 15 часот.
Уживајте во продажната изложба, купете некој од изработените украсни предмети и вклучете се во акцијата.
