Почитувани родители,
Општина Пехчево, во соработка со детската градинка „7 Септември“ и ООУ „Ванчо Китанов“ организира невидена детска журка „Априлијада“ насловена „Пехчево се смее“, по повод денот на шегата 1 Април (недела) за сите деца од општина Пехчево.
Детскиот џагор, смеата, музиката, песничките и игрите оваа година ќе го исполнат Плоштадот Св. Петар и Павле во Пехчево. Забавата ќе започне во 11 часот. За забавата на принцезите, вештерките, штрумфовите, супермените и бетмените ќе се погрижат познати кловнови меѓу кои и познатиот кловн Нино.
Затоа почитувани родители, баби и дедовци, маскирајте ги своите дечиња, внучиња, во нивните омилени маски и донесете ги да уживаат во убавите моменти и изненадувањата кои ги очекуваат, за да го доживеат овој ден онака како што тие тоа го заслужуваат.
