Денес Општина Пехчево во соработка со ОВР Берово ПС од ОН Берово и ОЈУДГ „7 Септември“ – Пехчево реализираше активност за начинот и правилата на однесување на пешаците во сообраќајот. Активноста беше реализирана од страна на Помошник командир за ЈРМ и Превенција – Викторија Цоцовска, ВБР во ПО за БПС – Александар Поповски, УПС – Христијан Видински и УПС – Слободан Ризовски, а учесници во активноста беа децата од детската градинка во Пехчево од големата група, на возраст од 5- 6 години со воспитувачката Розмарина Мицевска и негователката Даниела Денковска.
Децата се движеа по улица на која нема пешачка патека – тротоар и улица на која има пешачка патека – тротоар, и притоа им беше објаснето од страна на стручните служби, како треба да се движат и во двата случаи, потоа ја преминуваа улицата на место каде што има пешачки премин и на крстосница каде што нема пешачки премин. Научија каде се наоѓа полициската канцеларија во Пехчево, се запознаа со полициското возило и со дел од опремата која ја користат полициските службеници. Дечињата беа активно вклучени во активноста со нивното веќе стекнато знаење за сообраќајот и правилата во сообраќајот.
