Во новогодишен сјај ќе блесне плоштадот Св.Петар и Павле во Пехчево. Служби од локалната самоуправа започнаа со украсување и декорирање по повод новогодишните и божикните празници, чија што главна цел е да понуди свечени и естетски решенија на плоштадот и централното градско подрачје.
Најразновидни светилки, светлосни фигури, дедомразовци, снешковци и многу други украси годинава се очекува да го разубават периодот околу новогодишните и божиќните празнувања во центарот на Пехчево.
Оваа година ќе биде поставена и централна новогодишна елка со светлосни и други украсни елементи.
Инаку, деновиве во соработка со Хотел Гогов беше украсено и на просторот пред хотелот, а ќе се краси и околу административната зграда на општината.
