Илинден е голем македонски празник, па по тој повод оваа година во ,село Спиково – Пехчево беше одбележан со повеќе настани.
Во рамки на традиционалната ,, Спикијада ’’, вчера на големиот државен и верски празник Илинден, со пригодна богослужба на свештенослужителите од Малешевското архиерејското намесништво на МПЦ-ОА од Пехчево,пред голем број православни верници од Пехчево и околните места, беа осветени темелите на новото црковно здание.
На пригодната свеченост пред присутните празникот им честиташе, ги поздрави, а го положи каментемелникот на новата црква ,, Св Илија ’’, градоначалникот на општина Пехчево, Игор Поповски.
Традиционално, на присутните верници им се служеше ручек со традиционални пехчевски јадења, организиран од општината и Здружението на граѓани од с.Спиково, а прославата беше збогатена со музика до попладнените часови.
