Денеска во работна посета на Пехчево престојуваа вицепремиерот и министер за финансии, Зоран Ставрески и директорката на Светска банка за Македонија Малгоржата Маркиевиќ – Богов.
Три улици во должина од 3 километри ќе се градат во Пехчево преку проектот на Владата и Светската банка. Станува збор за две улици во с. Панчарево и една во с. Робово. Денеска во Општина Пехчево, министерот за финасии Зоран Ставревски и градоначалникот Игор Поповски го потпишаа договорот, а висината на проектот за изградба на улиците е 7,7 милиони денари. Рокот на отплатата е 13 години со тригодишен грејс период.
– Соработката на Владата со оваа и со другите општини продолжува и во наредната година. Подготвени сме да ги подржиме сите квалитетни проекти за подобрување на комуналната инфраструктура во населените места, изјави министерот Ставревски.
– По подготовка на материјалите, стигнавме до крајот на процедурата која пак означува и официјален старт на активностите за уредување на три улици во селските населби, а со тоа и на целата општина Пехчево. Конечно жителите на овие селски населби ќе кажат збогум на калта.
Реализацијатана мојата програма за изградба на улици и патишта, покрај другите ги опфаќа и двете улици во Панчарево со вкупна должина од околу 1.400 метри и една во Робово од 800 метри.,со што ќе се исполни и долгогодишната потреба на жителите од овие две села да имаат асфалтирани улици
Ова е убава работа, нешто што ќе го промени ликот на општината, нешто што со децении било запоставувано, конечно ќе се урбанизира и модернизира. Со тоа покажуваме дека имаме капацитет за големи проекти но и дека сакаме да го обновуваме Пехчево за идните генерации, истакна градоначалникот Игор Поповски, при потпишувањето на договорот.
Општина Пехчево со грантови од Светска банка го реши и долгогодишниот проблем за собирање на сметот со набавка на специјално возило за ЈКП ,, Комуналец ’’
