Почитувани сограѓани,
Со цел зголемување на транспарентноста и зголемување на квалитетот на работењето на институциите под надлежност на општината, граѓаните можат да ги испратат или достават своите забелешки, предлози, поплаки и пофалби за работата на овие институции.
Ве повикувам сите граѓани да го напишат своето мислење за вработените и работењето на општината, ЈКП ,, Комуналец “, ЈПУД ,, Равен “ и другите институции, да се обратите писмено до мене и да бидете активен партнер во подобрувањето на услугата кон корисниците.
Секое барање, секоја порака внимателно ќе ја разгледам и по истата ќе постапувам согласно мојата надлежност и ќе преземам соодветни мерки во најкус можен рок.
Барањата и податоците од граѓаните се многу важни за креирање на идната политика на општината и за забрзување на веќе започнатите постапки и било кои активности од наша надлежност.
Барањата и пораките можете да ги поднесете во пријавницата при општинската зграда, секој работен ден од 08 часот до 16 часот.
Однапред ви благодарам.
Со почит,
Градоначалник на општина Пехчево
Игор Поповски
