Во салата при ООУ.,, Ванчо Китанов “ во Пехчево беше промовиран вториот том од Зборникот на политичките затвореници 1945-1990. Авторот на делото е Никола Андоновски претседател на Здружението на политички затвореници, a бил и еден од политичките затвореници. Во зборникот се опфатени и обработени судски пресуди и фотографии, но и други документи од научна вредност.
Зборникот на политички затвореници е потсетник за едно време, време кое треба да биде осудено истакна авторот Никола Андоновски.
Целта на ова дело е да даде придонес во градење свесност кај јавноста за злосторствата и масовните кршења на човековите права кои се случиле во поранешна Југославија, а посебно во СРМ, истакна авторот Никола Андоновски во своето обраќање.
Предметите обработени во книгата, додаде, биле добиени доброволно од семејствата на политички затвореници.
– Секоја фамилија која ќе почувствува желба да биде обработена нејзината приказна во наредната книга доброволно да ги достави материјалите, а стручните служби ќе ги обработат и ќе ги презентираат во наредниот зборник, рече Андонов.
Првиот зборник е издаден во 2007 година, но на барање и предлози на голем број политички затвореници и нивните наследници, по долгогодишно и макотрпно собирање на иницијативи, барања, судски пресуди, во ноември 2012 е промовиран и вториот том, но Здружението не застанува тука, таа проблематика ќе продолжи да ја апсорбира и промовира и понатаму се разбира во соработка со внуци и паравници или роднини на политичките затвореници.
Неколку примероци од првиот и вториот том на Зборникот на политичките затвореници им стојат на располагање на граѓаните на Пехчево во ОУМБ ,, Кочо Рацин “ и во училишната библиотека.
