Директорот на Агенцијата за патишта Владо Мисајловски и претставници од локалната самоуправа, предводени од градоначалникот на општина Пехчево Игор Поповски, беа во посета на село Панчарево и Умлена каде со жителите на овие места ги разгледаа можностите за решавање на инфраструктурните проблеми кои се поврзани со агенцијата, а ги засегаат луѓето кои живеат во овие наслеби.
Акцентот на разговорите со жителите на овие села беше изградба на патната инфраструктура во селата, но и за рехабилитација и проширување на патот кој води до селата.
Мисајловски оддржа средба со градоначалниот на општина Пехчево Игор Поповски. На состанокот со градоначалникот Поповски се разговараше за тековните и идните активности и проекти кои се реализираат помеѓу Агенцијата и општината.
-Со директорот денес разговараме за многу проекти кои во иднина треба да се реализираат во општина Пехчево, кои бараат определено време и динамика, а за кои Агенцијата за државни патишта ќе излезе во пресрет за нивна реализација. Нашата соработка со Агенцијата е поодамна. Се надевам дека и овој пат ќе добиеме средства за да можеме да ги реализираме и другите проекти кои ни се планирани во програмата, истакна градоначалникот Поповски.
Инаку, општина Пехчево за 2014 година има искористено средства од Агенцијата за патишта за изградба и рехабилитацијата на патот кој води до село Негрево и село Робово и за доизградба и реконструкција на патот во туристичката населба Равна река.
Директорот Мисајловски престојот во општина Пехчево го искористивме и да ги посети улиците кои минатата година ги градеше општината во овие селски населби, а се работи за две улици во село Панчарево и една во село Умлена.
