Утре, Пехчево одбележува 69 години од ослободувањето. Празникот на градот ќе се одбележи со повеќе настани.
Почитувани граѓани,
Градоначалникот на Општина Пехчево Игор Поповски и претседателот на Советот на општина Пехчево Стојче Стефановски, со посебна чест и задоволство Ве покануваат на свеченото одбележување на Денот на ослободувањето на Пехчево – 7 Септември.
На 7 Септември секоја година Пехчево ја прославува годишнината од ослободувањето, кога борците на 4-тата Македонска народноослободителна бригада во раните утрински часови го ослободиле Пехчево, прогонувајќи го фашистичкиот окупатор.
Светата слобода што дојде пред 69 години, широко ги отвори вратите за развој на нови зафати и продолжување на револуцијата, но најнапред за се што беше срушено.
Прославувајќи годишен јубилеј на слободен живот и растеж причинува посебно задоволство да се направи осврт и да се зборува за она што граѓаните на Пехчево и околните населби успеале да направат и постигнат за овие години.
