Денес во работна посета на градоначалникот на општина Пехчево, Драган Тренчовски, беа претставници од подружницата на П.Ш.С. ,,Равна Река”- Пехчево.
На работниот состанок раговараа на актуелни теми поврзани со шумарството, а главна тема на разговорот беше пилот проектот за сертификација на шумите по PЕFC стандард, кој за прв пат ќе се спроведе на територијата на Р.С.Македонија.
Претставниците од П.Ш.С. ,,Равна Река”- Пехчево, Илија Сеничев и Дарко Лесански дипломирани шумски инжинери го запознаа градоначалникот Тренчовски со проектот за сертификација на шумите по PЕFC стандард и бенефитите кои би следеле од оваа сертификација која допрва треба да се реализира. Оваа сертификација ќе биде опфатена на територија на Ш.С.Е (шумско стопанската единица ) ,,Малешевски Планини I”, на површина од околу 5 000 ха.
Тие информираат дека пo претходно направени анализи и следење на начинот на сертификација на шумите во опкружувањето и пошироко, ЈП „Национални шуми“ влегува во пилот-проект за примена на една од шемите за сертификација на шумите во Европа и светот PEFC (Programme for Endorsement of Forest Certification) систем за сертификација на шумите со кои стопанисуваат во Р.С.Македонија.
Проектот ќе опфати повеќе активности, меѓу кои:
- подготовка на внатрешни протоколи за управување во сертифицирано шумско подрачје,
- набавка на заштитна опрема за теренските работници,
- обука на стручниот кадар и теренските работници за примена на одржливи шумски практики,
- адаптација на стопанисувањето на шумите според барањата на националниот стандард за ОСШ кој е донесен во согласност со меѓународниот стандард на PEFC.
Инаку, PEFC е најголемата глобална сертификациска шема според која се сертифицирани преку 300 милиони хектари шума ширум светот. Строгите правила на PEFC, проверката на терен која ја изведува независен орган и националниот контекст кој е одразен во националниот стандард за одржливо стопансиување со шумите (ОСШ) даваат сигурност за одржување на еколошките, социјални и економски функции на шумите.
Општина Пехчево ќе биде прва општина со сертификат по PЕFC стандарди за шумско стопанската единица ,,Малешевски Планини I”
