Накратко, макар само на еден ден, децата ја развеселија стварноста. Вчера на денот на шегата најмалите маскирани во своите омилени ликови од приказните и цртаните продефилираа низ центарот на Пехчево.
Забавата под маски започна во 14 часот со детското дефиле во кое учествуваат децата од детската градинка ,, 7 Септември ’’ – Пехчево. Малечки принцези, војници, пеперутки, нинџи, пирати, ѓаволи и невести продефилираа на плоштадот за да го означат 1 Април – Денот на шегата со игра, смеа и шега го одбележаа најпрво во дворот на детската градинка, па сите заедно дефилираа до преполниот плоштад.
