Отвореноста и транспарентноста помеѓу граѓаните и локалната самоуправа продолжува.
Општина Пехчево ги повикува граѓаните да ја искористат можноста да учествуваат во приоритетните активности во сферата на социјалната заштита на локално ниво преку користење на алатката moja-opstina.mk
На овој портал сите граѓани ќе можат да ги изберат приоритетните услуги од социјалната сфера, кои сметаат дека се најпотребни за општината. На овој начин се врши прибирање на мислења според кои на крајот ќе се видат најважните приоритети.
Апликацијата нуди можност за повеќе јазици и е само-објаснувачка т.е движењето низ неа е лесно. Со самото пополнување на прашалникот и ние како Општина ќе имаме увид за тоа кои се најприоритетни услуги од социјалната сфера.
Веб апликацијата „Моја Општина“ им овозможува на граѓаните да се произнесат кои од наведените приоритети во апликацијата е најважен.
