Во присуство на Општинската изборна комисија Пехчево, на 25.09.2021 година во 12:00 часот во просториите на Општина Пехчево, кандидатите за градоначалник на Општина Пехчево го потпишаа Кодексот за фер и демократски избори, согласно член 8-в од Изборниот законик.
Кандидатите за градоначалник на Општина Пехчево:
- Александар Китански, кандидат од ВМРО – ДПМНЕ и Коалицијата ,,ОБНОВА ЗА МАКЕДОНИЈА“,
- Славчо Пандурски, кандидат од Коалицијата ,,НАЈДОБРОТО ЗА МОЈАТА ОПШТИНА“ предводена од СДСМ и
- НЕЗАВИСНИОТ КАНДИДАТ Александар Ѓорѓиевски – ГРУПА ИЗБИРАЧИ,
се обврзаа дека со своите активности поврзани со изборите закажани за 17 октомври 2021 година ќе придонесат возацврстувањето на фундаменталните вредности на демократијата и ќе придонесуваат за градењето на довербата во изборниот систем.
Воедно, кандидатите за градоначалник се обврзаа дека ќе придонесат претстојните избори да бидат фер и демократски и дека ќе ги почитуваат принципите на демократијата и доброто владеење кои придонесуваат за демократски развој на општеството.
Потпишувајќи го Кодексот за фер и демократски избори кандидатите за градоначалници на Општина Пехчево, свечено се обврзаа и си ветија еден на друг, но и на сите граѓани, дека ќе се придржуваат и активно ќе ги промовираат принципите на фер и демократски избори.
