Врз основа на член 50 став 1 точка 9 од Законот за локална самоуправа (“Службен Весник на Република Македонија” бр.5/02), а во врска со член 19-а и член 23 од Законот за јавните претпријатија (“Службен Весник на Република” бр.38/96………64/2018), Градоначалникот на Општина Пехчево распишува
ЈАВЕН КОНКУРС
за избор на директор на ЈКП „Комуналец“ – Пехчево
Се распишува јавен конкурс за избор на директор на ЈКП „Комуналец“ – Пехчево. Кандидатите треба да ги исполнуваат следните општи услови предвидени со Законот за работни односи (“Службен Весник на Република Македонија” бр.62/2005………134/16) и посебни услови предвидени со Законот за јавните претпријатија (“Службен Весник на Република Македонија” бр.38/96………64/2018) и тоа:
- да е државјанин на Република Македонија;
- да има стекнати најмалку 240 кредити според ЕКТС или завршен VII/1 степен образование;
- во моментот на именувањето со правосилна судска пресуда не му е изречена казна или прекршочна санкција забрана за вршење на професија, дејност или должност;
- да има минимум пет години работно искуство;
- познавање на англиски јазик докажано преку поседување на меѓународно признати сертификати или уверенија за активно познавање на англискиот јазик не постар од пет години и тоа: ТОЕФЕЛ ИБТ (TOEFL iBT) – најмалку 74 бода, ИЕЛТС (IELTS) – најмалку 6 бода, ИЛЕЦ (ILEC Cambridge English: Legal) – најмалку Б2 (B2) ниво, ФЦЕ (FCE Cambridge English: First) – положен, БУЛАТС (BULATS) – најмалку 60 бода или АПТИС (АPTIS) – најмалку ниво Б2 (B2).
- да има општа здравствена способност за работното место;
- да е полнолетен;
Покрај доказите за исполнување на општите и посебните услови, кандидатите потребно е да достават кратка биографија и Програма за работа и развој на ЈКП „Комуналец“ – Пехчево.
Работното време во ЈКП „Комуналец“ Пехчево е од 07:00 – 15:00 часот, од понеделник до петок, 40 работни часа во неделата, а паричниот износ на нето платата изнесува 34.350,00 денари.
Потребната документација кандидатите треба да ја достават во оригинал или копија заверена на нотар.
Рокот за доставување на пријавите изнесува 5 ( пет ) работни дена, не сметајќи го денот на објавувањето во дневниот весник.
Пристигнатите документи ги прегледаува тричлена комисија именувана од градоначалникот на општината во рок од 8 дена по истекот на рокот на конкурсот и целокупната документација ја доставува до градоначалникот на општината.
Градоначалникот на општината во рок од 15 дена од денот на доставувањето на документацијата донесува одлука за избор на директор.
Ненавремените и некомплетните пријави нема да бидат предмет на разгледување.
Пријавите со потребната документација, кандидатите треба да ги достават до архива на Општина Пехчево или по пошта на адреса: „Општина Пехчево, ул. „Равен“ бр. 8, 2326 Пехчево, со назнака „за конкурс за избор на директор на ЈКП „Комуналец“ – Пехчево.
Општина Пехчево
Градоначалник
Драган Тренчовски
