Единствениот фестивал на дувачки оркестри во нашата земја ја продолжува својата традиција. Општина Пехчево, по осми пат ќе го организира фестивалот кој ќе се одржи на плоштадот „Св. Петар и Павле“ од 12 до 14 јули.
Општина Пехчево се подготвува за ново возбудливо издание на фестивалот со цел да ги задоволи очекувањата на традиционалните посетители на фестивалот и да привлече нови гости.
„И годинава, очекуваме дека програмата која ја подготвивме ќе привлече огромно внимание и ќе биде вистинско уживање за нашите посетители“, велат од Општина Пехчево.
Три дена исполнети со настапи на врвни дувачки оркестри, но и големи концерти на македонски и балкански ѕвезди. Освен многу музика, гостите ќе уживаат конзумирајќи вкусна скара и разновидни пива.
Главни покровители на фестивалот на дувачки оркестри во Пехчево се Хотел Гогов, Кит-Го Маркети и Дик Фагус-Пехчево.
За фановите на фудбалот ќе има посебна зона каде што ќе се следат завршните натпреварите од годинашното Светско првенство во Русија.
