Екипите на ЈКП „Комуналец „ и ,, Равен ’’ го разубавија плоштадот во центарот на градот со засадување на декоративни садници и цветен сезонски саден материјал и разни видови на украсни дрвца.
Просторот е хортикултурно уреден и збогатен со декоративни дрва. Центарот на Пехчево кој беше само место за паркинг простор доби нов, современ и препознатлив изглед. Плоштадот во Пехчево хортикултурно се уреди, а модерното урбано катче ја дава првата убава слика на Пехчево. Наскоро ќе биде изградена и фонтана во форма на водопад афтентична за нашиот крај.
Градоначалникот Поповски истакна дека со хортикултурното уредување на ова преубаво место е даден уште еден придонес за екологијата, а центарот на Пехчево е облагороден.
Овој проектот ,, Изградба на плоштад и уредување на околниот простор ‘‘ чини околу 8 милиони денари, средства издвоени од буџетот на општина Пехчево и Швајцарската агенција за развој и соработка.
