Пехчевското здружение на пензионери денеска одржа годишно собрание на кое беа разгледани и усвоени извештаите за годишното финансиско работење, извештајот за работата на здружението во 2019 година и извештаите на комисиите.
Борис Зарински, претседател на Здружение на пензионери во Пехчево информира дека е констатирано позитивно работење за 2019 година.
– Со годишниот буџет се финансира здружението, се финасираат екскурзии, спортски натпревари и рекреација за пензионерите во нашата држава, но и надвор од проектите на државата, нашиот пензионерски хор, а се финансираат и останати активности и режиски издатоци, рече Зарински.
Тој додаде дека тековните средства се користени рационално согласно финансискиот план, а одредени осцилации кои се бележат во финансискиот план се потрошени согласно одлуките донесени од страна на собранието.
На Седница на Собранието на здружението на пензионери присуствуваше и градоначалникот на општина Пехчево, Драган Тренчовски, кои според досегашното работење пројавуваа грижа за сите граѓани на општината.
– На задоволство на Здружението можам да истакнам дека новиот пензионерски дом наскоро ќе отпочне со работа, сите недостатоци ќе бидат остранети и сите барања за негово функционирање се веќе разгледани и се изнаоѓа решение за целосна реализација, и за краток период ќе биде ставен во функција, истакна градоначалникот Тренчовски.
Собранието оцени дека 2019 година благодарение на добрата работа,ефикасното искористување на финасиските средства и навременото обезбедување на сите информации, Здружението на пензионери, успешно ги заврши програмските задачи и ја следи планираната динамика на остварување на Програмата за работа за 2020 година, која ќе биде доплнета со нови програмски задачи.
