Една недела течат подготовките на третолигашот Кит Го Пехчево, кој оваа пролет значително ги засили своите редови. Екипата која ја предводи тренерот Трајче Сенев оваа пролет е посилна за Јамаковски од Тиверија, Мартин Димовски и Алексовски од Македонска Каменица, Синев и Колев од Овче Поле, Митевски од Силекс и Стефан Мишев од Брегалница.
Комплетната експедиција од Пехчево од 6 февруари ќе ги полни батериите во спортскиот комплекс „Истатов” во Дојран, каде ќе минат 11 дена. Договорени се и повеќе контролни натпревари, низ кои добро ќе се воигра тимот.
Екипата од Пехчево со Хоризонт од Турново веќе одигра прв тест и победи со 2-0, со головите на Марио Филиповски и Симески. На 4 февруари против Вардар Неготино, на 8 февруари во Гевгелија против Кожуф, на 15 февруари со Земун во Дојран, на 17 февруари против Борец во Велес и на 26 февруари со Беласица во Струмица.
Кит Го Пехчево има тешка задача во Третата лига – исток да се наметне пред лидерот и најсериозен кандидат за промоција во ВМФЛ, Беласица од Струмица.
http://www.gol.mk/fudbal/kit-go-od-pehchevo-znachitelno-zasilen-gi-pochna-podgotovkite-za-tretoligashkata-prolet
