Започна реализацијата на проектот за реконструкција и рехабилитација на постоечки пат во село Умлена

Општина Пехчево започна со реализација на проектот за реконструкција и рехабилитација на постоечкиот пат на КП 2378 во село Умлена, со што продолжуваат активностите за унапредување на локалната патна инфраструктура и подобрување на условите за живот во руралните средини.

Средствата за реализација на проектот се обезбедени од Бирото за регионален развој и Општина Пехчево, преку заедничка финансиска поддршка насочена кон создавање поквалитетна и побезбедна инфраструктура за жителите.

Со реконструкцијата и рехабилитацијата на патниот правец ќе се подобри безбедноста и пристапноста, ќе се олесни секојдневното движење на жителите, како и пристапот до земјоделските површини и останатите локални содржини.

Општина Пехчево останува посветена на реализација на проекти кои придонесуваат за рамномерен локален развој и континуирано инвестира во модернизација на инфраструктурата во сите населени места. Ваквите инвестиции претставуваат значаен чекор кон подобрување на квалитетот на живот на граѓаните и создавање подобри услови за идниот развој на општината.

Од Општина Пехчево информираат дека и во наредниот период ќе продолжат со реализација на инфраструктурни проекти кои се од интерес на граѓаните и ќе придонесат за одржлив развој на локалната заедница.