Проектот ,, Реконструкција на канализационен систем во с. Умлена и доизградба на канализационен систем во с. Робово ‘‘, доби најголема подршка од граѓаните на општината кои учествуваа на ФОРУМОТ ЗА ВОДИ, во рамки на повикот за мали инфраструктурни проекти од Проектот за управување со речниот слив на р. Брегалница.
Во рамки на 7 работни групи кои претходно беа формирани и во рамки на кои беа предложени предлог решенија, на втората форумска сесија граѓаните гласаа за 3 предлог-концепти: -Проект ,, Изградба на таложник на Филтер станица за вода за пиење – Пехчево ‘‘; -Проект ,, Реконструкција на канализационен систем во с. Умлена и доизградба на канализационен систем во с Робово‘‘; -Проект ,, Изградба на пречистителна станица на комунални отпадни води во село Црник ‘‘, од кои најмногу гласови доби проектот ,, Реконструкција на канализационен систем во с. Умлена и доизградба на канализационен систем во с Робово ‘‘.
Градоначалникот Поповски им се заблагодари на граѓаните за нивното присуство и што дадоа предлог за решавање на еден од проблемите во општината.
-Со реконструкција на канализациониот систем во с. Умлена и доизградба на канализациониот ситем во с. Робово, ќе се решат повеќе проблеми на граѓаните на овие две селски населби.Ја користам оваа можност да им се заблагодарам на граѓаните што во толку голем број учествуваа на форумските сесии и го дадоа својот придонес за развој на Општината, ја зголемија партиципативноста во донесувањето на одлуките и даваа свои предлози и решенија за проблемите со кои се соочуваат. Се надеваме дека успешно ќе го спроведеме проектот што беше изгласан, рече градоначалникот на општина Пехчево, Игор Поповски.
