Општина Пехчево добар пример за имплементација на проектот од УНДП за општинско-корисната работа и негово ставање во функција на решавање на приоритетите на граѓаните. Во работна посета на проектот „Зајакнување на подршката на детската градинка „7 Септември“ за згрижување на децата од предшколска возраст “ во Пехчево беше Амбасадорот на УНДП и постојан преставник на ОН во Македонија, Лујза Винтон. Амбасадорката се увери со свои очи како се инкорпорираат овие проекти од социјалната сфера во Пехчево.
-Многу сме задоволни од оваа ситуација и Пехчево треба да биде пример и за другите општини како со партнерски односи се решавата проблемите. Со изгрдабата на градинката добивме згрижување на децата, неколку нови вработувања и родители мирни на своите работни места, кажа Лујза Винтон, постојан претставник на ОН во РМ.
Пехчево со поддршка на УНДП досега работела три иновативни проекти.
Првиот се однесуваше на отворање на детски јасли во детската градинка 7 Септември, проектот стана самоодржлив и сега имаме целодневно згрижување на бебињата, истакна Игор Поповски, градоначалник на Пехчево.
Во детската градинка во пехчевски Чифлик, дечињата од претшколска возраст имаат целодевна настава.
Наша обврска е ова да го обезбедиме и во другите населени места, рече Поповски.
За имплементација на проектот во детската градинка во селото Чифлик, само за реконструкција на зградата Општината и детската градинка од Пехчево „7 Септември“ инвестирале 500 илјади денари.
