Анализите направени од страна на ЈЗУ – Кочани на примероци земени од водата од градскиот водовод покажаа дека водата што се дистрибуира од градскиот водовод е исправна за пиење.
Анализите потврдија дека водата е биолошки и хемиски исправна, а причината за заматувањето на водата биле преобилните дождови кои ги преполниле резерварите за вода во филтер – станицата и дошло до заматаување на водата.
Градоначалникот на Пехчево, Игор Поповски, истакна дека набавката на нов таложник ќе го реши проблемот на жителите на општината со вода за пиење. Функционалноста на овој таложник кој ќе биде набавен во скоро време од страна на Општина Пехчево ќе го реши проблемот во иднина и ќе ги задоволува сите стандарди на здрава и чиста вода за пиење, рече градоначалникот Поповски.
Инаку, водата во селата Панчарево и Црник и понатаму не се препорачува за пиење.
