Фирмата Квалитет Бетонида ДООЕЛ – Тетово од денес започна со градежен зафат за проширување и уредување на паркинг просторот со бехатон плочки во центарот на Пехчево. На постоечкиот паркинг простор нема доволно места за паркирање, заради што локалната самоуправа превзеде активности за решавање на проблемот.
-Со зафатот ќе се прошири паркинг просторот, ќе има место за повеќе возила, а од друга страна ќе се намали и паркирањето по улиците во централното градско подрачје-истакна градоначалникот Поповски.
Просторот наменет за паркирање ќе биде со капацитет за околу 70-тина возила. Паркингот е со површина од околу 500 квадратни метри, а за реализација на овој проект од Буџетот на Општина Пехчево се издвоени 600 000 денари.
Со доизградбата на овој паркинг простор се очекува возачите да не паркираат на места каде што не е дозволено во централното градско подрачје.
По изградбата на паркингот ќе следува реализацијата на останатите приоритетни проекти од предложената приоритетна листа од жителите на Пехчево.
