Објавен првиот повик за проектни предлози на Ипа програмата за прекугранична соработка со Р Бугарија. Пограничните општини ќе имаат на располагање 7, 2 милиони евра:
„Како земник-министер ценев дека треба да се посетат сите општини од Источна, Североисточна и Југоисточна Македонија, бидејќи претходниот програмски период се покажа како одличен во соработката со РБ, зашто искористивме нешто повеќе од 90% од средствата што ги Дава ЕУ во форма на грантови“изјави Љупчо Пренџов, зам. министер за локална самоуправа.
Повикот трае до 25 јануари, а општините можат да работат проекти во делот на развој на бизнисот и малите и средни претпријатија, за културното наследство и климатските промени и заштитата на животната средина:
„Сакам да ја информирам јавноста дека РМ влезе и во транснационалната програма за прекугранична соработка, тука е вклучен и Кипар и очкуваме дополнителни средства, а се очекува и со Србија“, кажа Пренџов.
Општина Пехчево планира да поднесе 6 проекти. Инаку, за наредниот 7-годишен програмски период, Македонија ќе има на располагање 19, 8 милиони евра. Колку средства ќе бидат искористени зависи од квалитетот на понудените проекти не само од општините туку и на останатите непрофитни органзиации.
