Општина Пехчево денес започна со изградба на тротоар на улицата „Јулија Веселинска“ или поранешна „Истра“. На оваа влезна сообраќајница во Пехчево, ќе се уреди тротоарот со бекатон плочки, од раскрсницата, па, се до непосредна близина на црквата Св.Петар и Павле.
Целта е зголемување на безбедноста на пешаците преку изградба на тротоар со бекатонска подлога. Општина Пехчево континуирано реализира проекти преку кои се подобрува инфрструктурата во Пехчево, која е од огромно значење за граѓаните. Станува збор за досега неуредена јавна површина и истата се уредува за да се зголеми сигурноста во сообраќајот на оваа локација во градот.
На оваа патека ќе работи фирмата СД „Транс“-с.Звегор, која согласно јавната електронска аукција понуди најповолна понуда за изградба на тротоари, висината на средствата за овие активности изнесуваат 2.537.138 денари, а средствата се обезбедени преку Проект за подобрување на општинските услуги кој се реализира со гранд за успешност преку Светска банка.
Инаки, Општина Пехчево наскоро ќе започне со изградба и реконструкција на 8 улици и исто толку тротоари на истите низ градот Пехчево.
