Танец ,Нели ти реков, Ефто Пупиновски, Анета и Молика ќе бидат дел од тридневниот фестивал на трубите во Пехчево, а за златната труба и учество на Гуча ќе се натпреваруваат 9 трубачки оркестри од Македонија . За овој веќе традиционален спектакл на трубата, Пехчево е подготвено да пречека над 20 илјади гости во трите фестивалски вечери.
Традицијата на трубите во Малешевијата, понудена како атракција на натсвирување на македонските виртоузи на труба, претставува туристичка понуда за гостите во Малешевијата, но и економски бенефит за локалната економија.
Во функција на фестивалот се ставени и сите расположиви сместувачки капацитети, а за првпат тревното игралиште ќе биде претворено во простор за кампување каде се очекуваат стотици кампери .
Трубите во Малешевијата ќе ечат од 10-13 јули. Оваа година фестивалот ќе чини над 700 илјади денари, средства кои општината планира да ги покрие од спонзори.
Напишано од ТВ Стар
