Почитувани родители,
Во организација на општина Пехчево, а во соработка со детската градинка ,,7 Септември’’ и ООУ„Ванчо Китанов“ по повод денот на шегата 1 Април (сабота) за најмладите ученици, со најразлични активности, ќе се одржи традиционалната Априлијада.
Детскиот џагор, смеата, музиката, песничките и игрите и оваа година ќе го исполнат Плоштадот Св. Петар и Павле во Пехчево. Забавата ќе започне во 11 часот. За забавата на принцезите, вештерките, штрумфовите, супермените и бетмените ќе се погрижат познати кловнови.
Затоа почитувани родители, баби и дедовци, маскирајте ги своите дечиња, внучиња, во нивните омилени маски и донесете ги да уживаат во убавите моменти и изненадувањата кои ги очекуваат, за да го доживеат овој ден онака како што тие тоа го заслужуваат.
Со почит,
Општина Пехчево
