Во Пехчево на градскиот плоштад, во моментот тече акцијата за собирање помош за настраданите во поплавите во Србија и БиХ. Одзивот е голем, а според локалната самоуправа, во соработка со ОО Црвен крст Берово, сосема очекувано, се одзвале голем број на граѓани на Пехчево со оглед дека градот и жителите се секогаш спремни да помогнат кога помошта е најмногу потребна.
Акцијата ќе трае и денес и уште два дена минимум, за да има време преку Црвен Крст на РМ да ги средат собраните работи, со очекување во среда да се испрати на настрадните.
Според градоначалникот на општина Пехчево Игор Поповски, акцијата за собирање помош на настраданите во Србија и БиХ, организирана преку Веб страната на општината www.pehcevo.gov.mk, радио Пехчево, социјалната мрежа Фејсбук, акцијата и идејата почнала со гледање на вести за ситуацијата во Србија, и денешниот одзив е за поздравување а граѓаните имаат уште денови за донирање. Штандот останува до среда, а сите граѓани имаат можност, преку сите мобилни оператори да донираат средства со јавување на бројот со префикс 070/075/077/143 -400, вели Поповски.
На денешната акција се вклучи и приватниот сектор од Пехчево, со собирање средства за настраданите, и тоа со обезбедување на средства за лична хигиена, конзервирана храна, алишта и се што е потребно да се помогне.
