За да се спречи евентуална појава на туларемија, стручни екипи во текот на денот, извршија општа дератизација во која беше опфатена канализациската мрежа.
ЈЗУ. „ Центар за јавно здравје“ од Кочани како овластена стручна служба за вршење на дезинфекција, дезинсекција и дератизација во соработка со ЈКП “Комуналец“ изврши целосна дератизација на 150 канализациони шахти на подрачјето на Општина Пехчево.
-Цел на дератизацијата е да се уништат глодарите (глувците) од околу 150 шахти кои се наоѓаат на територијата на општина Пехчево вклучувајќи и селата. Употребен е парафински блок „Бромадиолон“ при дератизацијата, која ја изведуваше стручната служба од Цетарот за јавно здравје од Кочани, во соработка со локалната самоуправа и ЈКП ,,Комуналец ’’, истакна градоначалникот Тренчовски.
Инаку, општина Пехчево во соработка со ЈКП ,, Комуналец “ ги примени сите законски пропишани заштитни мерки околу, резервари, захвати и филтер станица, како основен извор за водоснабдување на Пехчево и околните населени места. Заштитена и контролирана е и околината на резервоарите, по што е извршено чистење за заштита од контаминација на глодачи.
