Почитувани граѓани на општина Пехчево,
Согласно одредбите од Законот за инспекциски надзор (Службен весник на РМ бр. 50/10; 161/10; 157/11 и 147/13) и Законот за снабдување со вода за пиење и одведување на урбани отпадни води (Службен весник на РСМ бр.102/19), Ве известуваме заради заштита и спречување на оштетување на водоснабдителниот и канализациониот систем, се забранува:
– приклучување на водоводна и канализациона мрежа без одобрение за приклучување и без склучен договор со давателот на услугата;
– бесправно користење на вода пред водомер;
– испуштање на цврсти материи: песок, земја, цемент, вар, камења, дрва, пепел, трска, метал,стакло, пластични материи и други слични материи со поголем вискозитет во канализациониот систем;
– испуштање на урбани отпадни води од септички јами и отпад во канализациониот систем;
– испуштање на отпадни материи и води кои ги оштетуваат ѕидовите на канализациониот систем;
– испуштање на нафта и нафтени деривати, како и цврсти и течни запаливи и експлозивни материи во канализациониот систем;
– самоволно демонтирање и монтирање на водомери и водоводни арматури без согласност на давателот на услугата.
За сторен прекршок – непридржување кон пропишаните законските одредби, за физичко лице корисник на услугата предвидена е глоба во износ од 300 до 450 евра во денарска против вредност.
