Западот му донираше на истокот хуманитарна помош. Акцијата што ја спроведе битолската организација на жени , испровоцирана од социјалните прилози на ТВ Стар, денеска пристигна во Малешевијата. Први дел од помошта добија семејствата Цековски од Пехчево и Механџиски од Мачево.
Помошта тешка 2 тони, со алишта, постелнина, кујнски сетови и храна, битолските граѓани ја собираа 3 недели, а ја донесоа со поддршка на општина Битола.
ОО на жени од Пехчево, сега има задача да ја селектира и предаде на семејствата на која им е неопходна. Оваа хуманост денеска донесе тронка надеж за семејствата кои живеат на социјалното дно, а чија судбина беше прикажана преку камерата на ТВ Стар и докажа дека хуманоста нема граници и дека таа живее во човекот, но треба само малку, за да се разбуди.
