Денес градоначалникот на Општина Пехчево Драган Тренчовски , градоначалникот на општина Симитли, Р.Бугарија, Апостол Апостолов и претседателот на Советот на општина Симитли Владимир Христов, заедно со проектните тимови на општините одржаа работна средба во општина Пехчево .
Тема на состанокот беа активностите кои во мометот се одвиваат како и план за аплицирање на проектот „Зачувување на животната средина од катастрофи и подобрување на местото на живеење “, како и за преостанатите активности со што целосно би бил имплементиран проектот од двете страни на границата односно во општина Пехчево и во општина Симитли, информира Живко Каликов, лице за односи со јавноста во општина Пехчево.
-Градоначалниците заеднички потпишаа договор за партнерство на проектот „Зачувување на животната средина од катастрофи и подобрување на местото на живеење “, што заеднички ќе го аплицираат во рамки на ИНТЕРРЕГ ИПА програмата за Прекугранична соработка меѓу Р.Бугарија и Р. Македонија, додава Каликов.
Инаку, во рамките на проектот ќе се изврши уредување и продолжување на речното корито на реката Писа низ градот Пехчево, како и реконструкција на сегашното речно корито, кој опфаќа и реконструкција и изградба на неколку мостови низ течението на реката во градот Пехчево.
