Државниот секретар во Министерството за животна средина и просторно планирање Соња Лепиткова, пратениците Миле Пачемски и Тони Трајановски и градоначалникот на општина Пехчево Игор Поповски, остварија средба со жителите на месните заедници чифлик, Црник и Панчарево во општина Пехчево.
Целта на срдбата беше да се слушне ставот на граѓаните од овие селски населби за она што недостига во нивното место за живеење, да ги кажат граѓаните најбитните комунални теми и најгорчливите инфраструктурни проблеми во локалните заедници и што би било приоритет за нив, но и за општината.
Низ разговорите провејуваа повеќе теми – Легализирање дивоградби, осветлување, барања за решавање на комунални проблеми и инфраструктурно подобрување, прашања од областа на социјалата и побезбеден сообраќај се дел од барањата на жителите од овие селски населби.
На почетокот на средбите градоначалникот Поповски, даваше краток осврт за проектите кои се реализирани во овие селски населби, но и за проектите кои се планирани или се во фаза на реализација.
,, Државата постојано превзема активности за поддршка на селските населби. Нема развој на градот, ниту на државата ако не се реализираат прокети во интерес на нашите граѓани. Затоа и правиме посета за да знаеме што им е потребно, каде инфраструктурно да се реагира, кои улици се приоритетни, каде треба водовод, канализација, пречистителни станици и друго. Задоволство ми е да слушнам дека локалната самоуправа и месните заедници во Пехчево, имаат огромна соработка, која ја отценувам на многу високо ниво и потенцирам дека овие средби се многу позитивни ‘‘, истакна Државниот секретар во Министерството за животна средина и просторно планирање, Соња Лепиткова.
Пратениците Мили Пачемски и Тони Трајановски ги поздравија присутните граѓани на овие средби и изразија огромно задоволство за соработката што ја има општината со граѓаните и дека општината има голема подршка од нив како пратеници во Собранието на Република Македонија.
,, Искажувам огромно задоволство за посетата од страна на Државниот секретар во Министерството за животна средина, г-ѓа Соња Лепиткова и пратениците Пачемски и Трајановски и се надевам дека ќе придонесат во развој на селските населби во Пехчево и за реализација на проектите кои се зацртани во нашата програма‘‘, рече градоначалникот на општина Пехчево, Игор Поповски.
