По повод Светскиот ден на Ромите, градоначалникот на општина Пехчево Игор Поповски, испрати честитка до припадниците на ромската етничка заедница во општината.
Дозволете ми, во името на Општина Пехчево и во свое лично име, да Ви упатам срдечни честитки по повод 8 Април – Светскиот ден на Ромите, а Вам и на Вашите семејства да Ви посакам многу здравје, успех, личен просперитет и благосостојба. Ромите се составен дел во политичкото, културното, економското и образовното живеење во општината и според политичките права на Ромите, Пехчево и понатаму ќе биде пример во регионот и во Република Македонија. Задоволен сум од нивниот придонес во изградбата на мултиетничкиот и мултикултурниот карактер во општината. Општина Пехчево е нашиот заеднички дом, општината отсекогаш се грижела и ќе се грижи за еднаквите можности на сите граѓани, без оглед на нивната етничка, верска, социјална и друга припадност – рече градоначалникот Поповски.
