Проектот „Реконструкција на улица во село Црник“ финансиран преку Програмата за поддршка на имплементација на Декада и Стратегија за Ромите за 2024 година од страна на Министерството за транспорт и врски денес отпочнува со реализација на
градежните работи кои се состојат од поставување на тампонски слој , ивичњаци и редење на бехатон плочки на улицата.
Реконструкцијата на улицата во село Црник ќе овозможи, осовременување и подобрување на патната инфраструктура во селото, подобрување на квалитетот на живот во руралните средини, како и побезбеден пристап на граѓаните до нивните домови.
Финансиските средства за реализација на овој проект се обезбедени од Министерството за транспорт и врски и Буџетот на Општина Пехчево.
